Аталған кезеңде 49,9 млн тонна мұнай өндірілді.
Жыл қорытындысы бойынша мұнай экспорты 70,5 млн тонна деңгейінде болады күтіліп отыр. Бұл туралы Энергетика министрі Ерлан Ақкенженов айтты, деп хабарлайды inbusiness.kz сайты.
Министр 2025 жылғы қаңтар-маусым айларындағы отын-энергетикалық кешенінің қазіргі жағдайы туралы баяндады.
"Есепті кезеңде мұнай өндіру көлемі 49,9 млн тоннаны немесе өткен жылдың сәйкес кезеңімен салыстырғанда 111,6% құрады. Осы жылғы қорытынды бойынша мұнайды өндіру 96,2 млн тонна деңгейінде күтілуде. Есепті кезеңде мұнай экспорты 39,6 млн тоннаны немесе өткен жылдың сәйкес кезеңімен салыстырғанда 111,9% құрады", – деді Ерлан Ақкенженов Үкімет отырысында.
Оның айтуынша, осы жылдың қорытындысы бойынша мұнай экспорты 70,5 млн тонна деңгейінде болады күтіліп отыр.
