Еурокомиссия АҚШ-тан келетін тауарларға қарсы қарымта қайтаруды кейінге шегерді, деп хабарлайды 24kz.
Бұл процесс 1 тамызға дейін тоқтатылды. Еуроодақ осы уақыт ішінде Вашингтонмен келісімге келуге үмітті. Бұл туралы Еуропалық комиссияның төрағасы Урсула фон дер Ляйен мәлімдеді. Оның айтуынша, тараптар ымыраға келмесе, Еуроодақ бастаған ісін аяғына дейін жеткізеді. Бұл шара бүгін күшіне енуі тиіс еді. Ол Еуроодақтан импортталатын болат пен алюминийге Трамп әкімшілігі енгізген салыққа қарымта қайтару мақсатында қолға алынған.
