Астанада Қабанбай батыр даңғылымен қиылысатын жол айрығы аумағында, Оңтүстік айналма жолының екі бағытында да көлік қозғалысы толықтай шектеледі, деп хабарлайды Zakon.kz.
CTS мәліметінше, шектеу 12 шілдеде сағат 07:00-ден бастап 14 шілде сағат 07:00-ге дейінгі аралықты қамтиды.
"Бұл шектеу LRT құрылысы аясында уақытша металл тіреуді алып тастап, депоға апаратын көпірді сырлау және жол жабындысын қалпына келтіру жұмыстарына байланысты енгізіледі. Көлік қозғалысы Аэропорт және Арнасай көшесі бағытындағы оң жақ ауыспа жолдар арқылы ұйымдастырылады. Қала тұрғындары мен қонақтарынан алдын ала жүретін бағытыңызды жоспарлап алуды сұраймыз және уақытша қолайсыздық үшін кешірім сұраймыз", делінген хабарламада.
Бүгін көліктегі полицейлер азаматтарды теміржол бойында жүріс-тұрыс қағидаларын қатаң сақтауға шақырған болатын.
