Оқиға орнында жедел штаб жұмыс істеп жатыр .
Алматы тауларында бес тәулік бойы іздестірілген жасөпірімнің мәйіті табылды, деп хабарлайды Алматы құтқару қызметінің баспасөз қызметі.
"Бүгін сағат 07:30-да Алматы тауларында ауқымды іздестіру-құтқару жұмыстары барысында ұшқышсыз ұшу аппаратының көмегімен теңіз деңгейінен 3000 метрден астам биіктікте адам мәйіті табылды. Құтқарушылар табылған орынға жедел түрде аттанып, мәйітті тасымалдау жұмыстарын бастады. Оқиға орнында жедел штаб жұмыс істеп жатыр", – делінген хабарламада.
Оқи отырыңыз: Алматы тауларынан 30 жастағы жігіттің денесі табылды: оқиғаның мән-жайын полицейлер анықтайды
Еске салайық, 6 шілде күні сағат 11:46-да төтенше жағдайлар департаментіне 2007 жылғы азаматтың жоғалғаны туралы хабарлама түскен.
Оның ағасының айтуынша, жасөспірім 2 шілдеде тауға кетіп, қайтып оралмаған. Іздеу жұмыстарына ТЖМ РЖҚЖ мен ТЖД-ның 44 құтқарушысы, 109 Құтқару қызметі, шекара қызметі мен полиция қызметкерлері, еріктілер, сонымен қатар сегіз техника, үш ұшқышсыз ұшу аппараты, дрондар, төрт ит және ҚР ТЖМ авиациясы жұмылдырылды.
