Соңғы күндері елді елең еткізген блогер Елдос «Колобок» пен Таңшолпанның оқиғасы көптеген отбасыға әсер етпей қоймады, деп хабарлайды Skifnews.kz ақпарат порталы.
Журналист, медиамаман Ләйлә Сұлтанқызы дәрігер Алмас Құрманалиұлы мен Азамат Сандыбайұлымен кішігірім сұхбат құрды.
«Біздің басты батырларымыз, екі дәрігер. Жағдайларыңыз қалай. Соңғы уақытта сізге хабарласатындар көбейіп кеткен шығар. Жақсының жақсылығын айт, нұры тасысын дейді. Мен осы екі азаматтың жақсылығын үнемі айтып жүремін», деді Ләйлә Сұлтанқызы.
Өз кезегінде дәрігер Алмас Құрманалиұлы елімізде ерлер арасында бедеуліктің көбейгенін айтып қалды.
«Елдос пен Таңшолпанның оқиғасынан кейін бұрын емін бастап, орта жолдан қалдырып кеткен көптеген пациенттеріміз хабарласып, емін соңына жеткізгісі келетінін айтып жатыр. Бұл жағдай біраз адамға үміт сыйлады. Сондай-ақ, бедеулікпен күрес — міндетті түрде ЭКО жасату деген сөз емес. Медицина дамыған түрлі тәсілдерді қолдануға болады», деді дәрігер.
