Дәстүрлі әнші Ерлан Рысқали блогер Әлия Әшімді қолдап, оны қатаң сынамауға шақырды.
Бұл туралы ол Instagram-дағы парақшасында жазды, — деп хабарлайды Caravan.kz медиа порталы.
«Әлеуметтік желіде Әлия Әшімнің “Абай мен Ділдә неткен” деген видеосы қызу талқыға түсіп жатыр екен. Иә, видеодағы ой-пайым сәл тосындау. Бірақ соған бола Әлияның бұған дейінгі ағартушылық еңбегін, ұлт үшін жасап жүрген ізденісін, зерттеулерін жоққа шығару – әділетсіздік.
Әлия – ұлтқа жаны ашитын, қазақ мәдениеті мен тарихына терең бойлаған, сан түрлі тың тақырыптарды қозғап жүрген талантты, ізденімпаз журналист. Оның жариялаған контенттері арқылы қаншама адам тың мәлімет алып, көкірек көзін ашып келеді.
Сын айтуға болады. Бірақ қарғау, жек көру, қорлау – бұл біздің мәдениетімізге жат. Еркін пікір білдірген адамның үнін өшіру – өзіміздің өрісімізді тарылту. Келісіп жатсақ – құп! Келіспесек – пікірмен жауап берейік! Бірақ адамды таптау, жеке басын қорлау – жол емес.
Әлияның еңбегі мен ниетін жоққа шығармауымыз керек. Ол – өз халқы үшін тер төгіп жүрген азамат», — деп жазды әнші.
Естеріңізге сала кетейік, Әлия Әшім ел ішіне жасаған кезекті сапарларының бірінде ол Абай мен оның бірінші әйелі Ділдәнің бөлмесін аралаған.
Журналист кадрда: «Абай мен Ділдә неткен бөлме» деп елдің ашуына тиген
