Ақмола облысы тұрғынының баласы жол апаты кезінде қаза тапқан. Ол белгілі бір адамды баласының өліміне себепкер деп айыптап, оны қатаң жазалауды талап етті. Алайда, соңында айыптаушының өзі сотты болды, деп хабарлайды Zakon.kz.
Ақмола облыстық сотының баспасөз қызметінің хабарлауынша, өңір тұрғыны баласының өліміне өзінің қатысы бар деп жала жауып, мұны әлеуметтік желіде видеоүндеу жариялау арқылы таратқан әйелге қатысты шаралар қабылдау жөнінде өтінішпен жүгінген.
"Сотта айыпталушы оқиғаға кінәлі адамның жол апаты орнынан кетіп қалғаны, ал құқық қорғау органдары істі бірнеше рет тоқтатып отырғанын айтып, сол себепті видеоүндеу жарилауға мәжбүр болғанын айтты. Сонымен қатар, арызданушыға қатысты қылмыстық іс тіркелгені анықталды. Іс 2024 жылдың желтоқсанынан 2025 жылдың маусымына дейін 3 рет қозғалып, тоқтатылып отырған. Видеоүндеуде әйел өзіне аян қылмыстық істі тергеу кезінде әуре-сарсаңға салу фактілері туралы хабарлаған", делінген сот хабарламасында.
Нәтижесінде әйел адам келесі негізде сотта ақталды:
- бейнежазбада М. баласы өліміне қатысты қозғалған қылмыстық іс бойынша сапасыз тергеу жүргізіліп жатқанын көрсетіп, әділ тергеуге және кінәлі адамды қылмыстық жауапкершілікке тартуға жәрдем сұрады;
- жалған мәліметтерді тарату фактісі анықталмады
- сотқа М-нің жала жабу ниеті расталмады және басқа адамның ар-намысы мен қадір-қасиетіне нұқсан келтіретін жалған ақпарат таратқаны туралы ешқандай дәлел келтірілмеді.
"Соттың қаулысымен азаматша М.-ға қатысты әкімшілік құқық бұзушылық туралы іс оның әрекеттерінде әкімшілік құқық бұзушылық құрамының болмауына байланысты тоқтатылды", делінген хабарламада.
Сот шешімі заңды күшіне енген жоқ.
