Құрманғазы ауданының Теңіз ауылында «Лотос фестивалі – 2025» атты мәдени-туристік іс-шарасын өткізу жоспарланып отыр. Фестиваль 26 шілдеде басталады, деп жазады Egemen.kz.
Әкімдіктің мәліметіне қарағанда, жоба аясында 15 киіз үй тігіледі. Ұлттық өнер мен салт-дәстүрді насихаттайтын концерттік бағдарламалар мен театрландырылған қойылымдар ұсынылады. Сондай-ақ, қолөнердің қыр-сырын ашатын шеберлік сабақтары, көрмелер мен ұлттық ойындарды өткізу көзделген.
Қазір Қиғаш өзенінде өтетін лотос гүлін көруге бару үшін қатынайтын су көлігі тұратын жағалауды абаттандыру жүріп жатыр. Мемлекеттік сатып алу конкурсы өтіп, мердігер анықталған. Мердігер автокөлік пен қайық тұрағын салу, жарықтандыру ісін қолға алған.
Лотос гүлін тамашалау үшін арнайы алаң орнатылған.
