Қазақстанның Халықаралық азаматтық авиация ұйымы кеңесінің стандартына сәйкестігі 82%-ке жетті, деп хабарлайды 24kz.
2009 жылы бұл көрсеткіш небәрі 47% болған. Сала серпілісінің арқасында еліміз Польша, Чехия, Дания сияқты Еуропа мемлекеттерімен бірдей деңгей көрсетіп отыр. Бұл туралы Олжас Бектенов пен Сальваторе Шаккитано арасындағы кездесуде мәлім болды. Басқосуда азаматтық авиацияны дамыту саласындағы ынтымақтастық жайы талқыланды. Үкімет басшысы саланың британдық модель бойынша дамып жатқанына назар аударды. Бұған құрылымдық және заңнамалық реформалар мүмкіндік берді. Өз кезегінде Халықаралық азаматтық авиация ұйымы кеңесінің президенті жүргізілген жұмыстарға оң баға беріп, ынтымақтастықты нығайтуға мүдделі екенін жеткізді. Тараптар серіктестік байланыстарды жан-жақты дамыту және тереңдету ниеттерін растады.
