Қазақстанның оңтүстігінде жер сілкінісі тіркелді, — деп хабарлайды Massaget.kz тілшісі.
Еуропа-Жерорта теңізі сейсмологиялық орталығының мәліметі бойынша Жамбыл облысында Астана уақытымен сағат 14:29-да магнитудасы 4,9 болатын жер сілкінісі тіркелген.
Жерасты дүмпуінің эпицентрі Тараздан шығысқа қарай 126 шақырым жерде орналасқан.
Еске салайық, 28 наурызда түнде Жамбыл облысының бірқатар ауданы мен Тараз қаласында жер сілкінісі тіркелді.
Жер асты дүмпуінің жоғары қарқыны 5 балл болды. Бұл Меркі ауданындағы Меркі ауылында тіркелді. Т.Рысқұлов ауданының Құлан ауылында жер сілкінісінің күші 4 балл, Тараз, Шу қалаларында, Қордай, Мойынқұм аудандарында 2 балл болды.
Астана уақытымен сағат 15:56-да тағы бір жер сілкінісі болды.
Бұған дейін Үкіметтік жұмыс тобы жағдайды сараптап, бағалау және шара қолдану үшін Жамбыл облысына жіберілді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
