Астанада 6 шілдеде – Елорда күніне орай мерекелік отшашу атылады. Оған қаражат демеушілер есебінен қарастырылған, деп хабарлайды Zakon.kz.
"Отшашу шамамен сағат 23:00-де Ботаникалық бақ аумағынан атылады. Оның алдында отандық эстрада жұлдыздарының қатысуымен мерекелік OPEN AIR концерті өтеді", делінген әкімдік хабарламасында.
Еске салайық, 6 шілдеде Қазақстанда Елорда күні мерекесі атап өтіледі. Бұл мерекеге орай Астанада жыл сайын жүзден астам әртүрлі бағыттағы іс-шара өтеді. Биыл да қала тұрғындары мен қонақтарына арнап ерекше оқиғалар, концерттер, шоулар, қойылымдар, акциялар, көрмелер, спорттық турнирлер және тағы басқа шаралар ұйымдастырылады.
Айта кетсек, елордада қайтарылған активтер есебінен стадион салынуда.
