Трамп Ақ үйдің төрінде UFC турнирін өткізетінін мәлімдеді. Бұл жұмысты толықтай ұйым басшысы Дана Уайтқа тапсырмақ, деп хабарлайды "Астана" арнасы.
АҚШ президенті әлемнің үздік файтерлеріне сегізбұрышты торды тура өз резиденциясының ішінде жайғастырмақ. Бұны Трамп АҚШ тәуелсіздігінің 250 жылдығына арнайтынын мәлімдеді.
"Бұрын-соңды бұндайды ешкім жасамаған. Тура Ақ үйдің алдында 25 мың қонақты шақырып, турнир өткіземіз. Дана Уайт тікелей өзі айналысады. 250 жылдыққа арналған салтанатты шаралардың ең үздігі осы сайыс болады. Бұған кепілдік беремін", — дейді АҚШ президенті Дональд Трамп.
Айта кетейік, ұйым басшысы Дана Уайт Трамптың сайлауалды бағдарламасына қолдау көрсеткен еді.
