Дәрігерлер суық суға жуыну денсаулыққа зиян тигізуі мүмкін екенін түсіндірді, деп хабарлайды Алматыдағы BAQ.KZ тілшісі.
Терапевт-дәрігер Татьяна Романенконың айтуынша, суық душ тұмау, бронхит сияқты ауруларға, тіпті инфаркт немесе инсультке әкелуі мүмкін.
"Кез келген суық су – бұл ағзаның тоңазуына әкелетін қауіп. Мұрынның бітелуі, бронхит немесе жоғарғы және төменгі тыныс жолдарының басқа да қабынулары болуы мүмкін", – деп ескертті маман.
Сондай-ақ суық су тамырлардың түйілуін тудырып, денсаулыққа әлдеқайда ауыр зардаптар әкелуі ықтимал.
"Тамырлардың түйілуі – бұл қысымның көтерілу қаупі, жүрек-қан тамырлары жүйесіне байланысты күрделі жағдайлар. Соңы инсульт немесе инфарктпен аяқталуы мүмкін", – деді Татьяна Романенко.
