2024 жылы медициналық авиация желісі бойынша жарақаттану себебінен 536 ұшу жасалды, 747 зардап шеккен адам уақтылы медициналық көмек алды, деп хабарлады Zakon.kz.
Бұл жайлы бүгін, 2 шілдеде ҚР Денсаулық сақтау министрлігінің штаттан тыс бас травматологы, Академик Н.Ж. Батпенов атындағы Ұлттық травматология және ортопедия ғылыми орталығының директоры Олжас Бекарисов Орталық коммуникациялар қызметінде (ОКҚ) өткен брифингте айтты.
Оның сөзінше, түрлі жарақаттары бар ауыр науқастарды облыс орталықтары мен республикалық маңызы бар қалаларға барлығы 527 тасымалдау жүзеге асырылды.
"Шақырту орнында 46 операция жасалды. Заманауи технологиялардың арқасында ҰТОҒО мамандары қашықтан және жеке 183 телемедициналық консультация өткізді. Жарақат бойынша жедел жәрдем шақыртуларының жалпы санынан – 741 728, жол-көлік оқиғаларына бригадалардың 47814 немесе 5,5% келеді",- делінген ақпаратта.
Ол бүгінде жедел жәрдем шақырылған сәттен бастап және оқиға орнына дәрігерлер келгенге дейін орта есеппен 8 минут – қалаларда, 9 минут – ауылдық жерлерде өтетіндігін атап өтті.
"Шұғыл көмек көрсету әсіресе "алтын сағат" деп аталатын бірінші кезеңде тиімді екенін есте ұстаған жөн. Егер адам жарақат алғаннан кейінгі алғашқы 60 минуттың ішінде ауруханаға жеткізілсе, бұл олардың өмір сүруінің жоғары деңгейін қамтамасыз етеді және ерте және кеш асқынулардың даму қаупін айтарлықтай төмендетеді деп саналады",- деді ол.
Бұған дейін 2025 жылдың шілдесінде қандай салық есептілігін тапсыру керек екендігін жазған болатынбыз.
