Солтүстік Македонияда жасөспірімдерге арналған Балқан математика олимпиадасы аяқталды, деп жазады inbusiness.kz сайты.
Қазақстан құрамасы жарысқа қатысу тарихындағы ең үздік нәтиже көрсетіп, төрт алтын, бір күміс және бір қола медаль жеңіп алды. Командалық есепте 24 ел қатысушыларының арасында қазақстандық оқушылар екінші орынды иеленді.
Жеңімпаздар қатарында Ануар Ағыбаев (Алматы қаласындағы NurOrda халықаралық мектебінің 9-сынып оқушысы), Александр Олейников (Алматы қаласындағы NurOrda халықаралық мектебінің 9-сынып оқушысы), Жәңгір Болат (Алматы қаласындағы Республикалық физика-математика мектебінің 8-сынып оқушысы), Батырхан Бейғанов (Алматы қаласындағы Республикалық физика-математика мектебінің 9-сынып оқушысы), Нұртай Мәлік (Ақтөбе облыстық "Білім-инновация" лицей-интернатының 9-сынып оқушысы), Мирас Кеңесбек (Қарағанды облыстық "Білім-инновация" лицей-интернатының 9-сынып оқушысы) бар.
Құраманың жетекшілері: Талдықорған қаласындағы Назарбаев Зияткерлік мектебінің математика пәні мұғалімі Сергей Полянских және "Дарын" республикалық ғылыми-практикалық орталығының әдіскері Перизат Саутбекова.
