24 маусымда Колумбияның Медельин қаласында қатты жауын-шашыннан кейін көшкін жүрген болатын, деп жазады inbusiness.kz сайты.
Табиғи апат салдарынан 22 адам қайтыс болса, тағы 8 адам із-түзсіз жоғалғандар қатарында.
Антьокия департаменті губернаторы әкімшілігінің мәліметінше, жаңбырдан кейін көшкін жүрген Бельо мен Альтос-де-Ориенте аудандарынан басқа да белгісіз мәйіттер табылған.
Мәлімдемеде құтқару жұмыстары 390-нан астам маманның қатысуымен жалғасып жатқаны атап өтілген. Құтқарушылар үйінді астында қалғандарды шығару үшін бар күшін салып жатыр.
Сондай-ақ бұл аудандағы көптеген үй опырылу қаупі жоғары беткейлерде салынғандықтан, аса қауіпті аймақта орналасқаны айтылған.
