Қырғызстанның Шу облысында таудағы Тақыр-Тор көлі ернеуінен асып, жүздеген адам қауіпсіз жерге көшірілді, деп хабарлайды kaktus.media басылымына сілтеме жасаған KAZ.NUR.KZ.
Төтенше жағдайлар министрлігінің Шу облысы бойынша басқармасының ақпаратына сай, бүгін, 27 маусымда сағат 17:42-де көл ернеуінен асқан.
Қазіргі уақытта министр Бообек Әжікеевтің бақылауымен Алмалуу, Горная Серафимовка және Нижняя Серафимовка ауылдарында эвакуациялау жұмыстары жүргізіліп жатыр. Барлығы қауіпті аймақтан 180 жергілікті және қарттар мен мүгедектігі бар жандарға арналған интернаттың тұрғындары. қауіпсіз жерге көшірілген.
ТЖМ видеосында оларды мектепке, балабақшаға және Норус ауылының мешітіне орналастырғанын көруге болады. Алайда куәгерлер басылымға халық Туз ауылында екенін жеткізген.
Оқиға орнында ТЖМ жанындағы мониторинг және болжам жасау департаментінің мамандары жұмыс істеп жатыр. Тақыр-Тор көлінің жағдайын нақтылау жөнінде жұмыстар жүргізіліп жатыр. Алдын ала дерек бойынша зардап шеккендер жоқ.
