Қазақстандық актриса, модель әрі дизайнер Айжұлдыз Адайбекова мен оның күйеуі – экстрим-блогер Сәкен Қағаров Instagram желісіндегі оқырмандарын сүйіншіледі, деп хабарлайды Zakon .kz.
Бүгін, 2025 жылғы 27 маусымда, ерлі-зайыптылар сәбилі болатынын жеткізетін бейнежазба жариялады.
Посмотреть эту публикацию в Instagram
Публикация от Saken Kagarov (@saken_kagarov)
"Біз сені күтіп жүрміз, бөпем. +1 Қағаров", – деп жазды бақытты жұп – Сәкен мен Айжұлдыз.
Желі қолданушылары мен достары бұл жаңалыққа дереу жылы лебіздерін жаудыра бастады.
Өзінің Stories-інде Адайбекова "Netflix жобасына бекітілгеніне қарамастан, уақытша фильмдерге түсуден бас тартқанын" айтты.
Сондай-ақ, ол бұл қуанышты хабарды бөліскеннен кейін жеңілдеп қалғанын, себебі "ішін жасыру мүмкін болмай бара жатқанын" жеткізді.
"Төрт айға дейін қатты токсикоз болып, гормон деңгейі көтеріліп кетті. Өте қиын болды – жай ғана өмір сүріп жүрдім, бірақ жұмыс арқылы көңілімді бөлуге тырыстым", – деді жүкті актриса.
Сонымен қатар, Айжұлдыз жанкүйерлерінен гендер-пати болмайтынына және туыстары мен достарының реакциясы түсірілген видео жоқтығына кешірім сұрады. Себебі оның "жаны тыныштықты қалады".
"Осы кезеңде мен кітап оқып, медитация жасап, пайдалы подкасттар тыңдағанды жөн көрдім. Артық назар аудартқым келмеді, өйткені алғашқы кезең – ең сезімтал уақыт. Сол себепті біз Сәкешіммен үндемей жүруді ұйғардық", – деп жазды ол.
Актриса сәбидің жынысын өздері білетіндерін де атап өтті.
"Мен әдемі видео түсірдім, жақында жариялаймын", – деп уәде берді ол.
Бұған дейін Ai Yola тобының әншісі Forbes рейтингіне енгендігін жазған болатынбыз.
