СҚО-да кәсіпорында аумағында болған төтенше жағдайдан 9 адам зардап шекті, деп хабарлайды облыстық полиция департаментіне сілтеме жасаған KAZ. NUR.KZ.
Ведомствоның баспасөз қызметінің мәліметінше, 25 маусымда сағат 16:17-де Тайынша аудандық полиция бөлімінің кезекші бөліміне аудандағы кәсіпорындардың бірінің аумағында өрт шыққаны туралы хабарлама келіп түскен.
Алдын ала мәліметтер бойынша, өрт шығып, кәсіпорынның екі жинақтағышы жарылған, артынан Volvo маркалы газ автоцистернасы жанған.
Оқиға орнына дереу өрт сөндірушілер, полиция қызметкерлерімен басқа да шұғыл қызмет өкілдері жеткен.
Оқиға салдарынан тоғыз адам зардап шеккен, оның сегізі ауруханаға жеткізілген.
Бұл факті бойынша жиналған материалдар процессуалдық шешім қабылдау үшін Тайынша ауданының Төтенше жағдайлар бөліміне берілген.
