Желіде Алматыдағы Сайран көліне батып кеткен жасөспірім туралы ақпарат тарады. Полиция іздеу шараларын қолға алған. Артынша оның денесі табылды, деп хабарлайды қалалық ПД-ға сілтеме жасаған KAZ.NUR.KZ.
AlmatyToday Telegram-арнасы Сайран көлінің жағажайында жедел жәрдем көліктері және полиция қызметкерлері тұрғаны туралы ақпаратты жариялаған.
Алматы полиция департаментінің баспасөз қызметі қазіргі таңда қолда бар ақпаратты мәлім етті.
"Сайран көліндегі оқиға дерегі бойынша тексеріс жүргізіліп жатыр. Суда екі кәмелетке толмаған жасөспірім болғаны анықталды. Олардың бірі өздігінен жағаға жеткен, екіншісінің тағдыры белгісіз. Оқиға орнында полиция қызметкерлері мен құтқарушылар жұмыс істеп жатыр. Іздеу шаралары жалғасып жатыр", — деді полициядағылар.
Кейіннен ПД жасөспірім суға кеткенін, оның денесі табылғаны туралы ақпаратты растады.
