Астанада 24 маусым күні белгісіз біреулер жеңіл рельсті көлік (LRT) жаңа вагондарына граффити салған. Бұл туралы Zakon.kz сайтына CTS көлік компаниясының баспасөз қызметі хабарлады.
Компания өкілдері вагондардың сыртына рұқсатсыз граффити салу фактісі тіркелгенін айтты.
«Аталған ақпарат құқық қорғау органдарына берілді. Бұл факті бойынша қылмыстық іс қозғалды. Сонымен қатар, вагондардың сырты арнайы қорғаныш қабатымен қапталған, ол бояудың негізгі бояу-жабынына сіңуіне жол бермейді», – деді CTS өкілдері.
Қазір бояуды кетіру жұмыстары басталып кетті.
