Қазақ руханияты мен мәдениетінің ірі тұлғасы, академик, әдебиеттаншуы , фольклортанушы ғалым Сейіт Қасқабасовтың туғанына 85 жыл.
Осыған орай Мұхтар Әуезов атындағы Әдебиет және өнер институты мен Ғылым ордасы халықаралық конференция ұйымдастырды. Сейіт Асқарұлы оннан аса монографияның, 500-ден артық ғылыми зерттеулердің авторы. Ол өзінің мектебін қалыптастырған ұстаз. Ғалым ұлттық фольклортану, әдебиеттану және өнертану ғылымдарының бағытын айқындап, өмірінің соңына дейін еңбек етті. Академиктің танымал еңбектерінің қатарында «Қазақтың қиял-ғажайып ертегілері», «Қазақтың халық прозасы», «Абай және фольклор», «Жаназық» сынды монографиялары мен зерттеулері бар.
Дархан Қыдырәлі, ҚР Парламенті Сенатының депутаты:
- Әсіресе «Бабалар сөзі» жүз томдығы ол тек қазақ халқының ғана емес, түркі елдерінің ғана емес, адамзат ақыл-ойына қосылған үлкен байлық деп есептейміз. Өйткені бұндай мұра басқа елдерде жоқ. Әсіресе біздің терең фольклорлық мұраларымызды зерделеу арқылы ол кісі тамырлас елдермен байланыстарымызды бекемдей түсті. Жалпы Сейіт Асқарұлыны сондықтан көптеген түркі мемлекеттерінде де ғылымдағы темірқазық ретінде белгілі және оның жазғандарын жанға азық деп бағалайды.
