Жеке тұлғаларға берілетін несиелер көлемі өткен аймен салыстырғанда өзгерген жоқ. Толығырақ Zakon.kz ақпаратында.
Жеке тұлғаларға берілген несиелердің жалпы көлемі шамамен сәуір айындағы деңгейде – 1,6 трлн теңге шамасында қалды, бұл 0,7%-ға ғана азайған. Бұл соманың басым бөлігі дәстүрлі түрде кепілсіз тұтынушылық несиелерге (шамамен 890 млрд теңге) тиесілі, мұндағы көлемдер өткен аймен салыстырғанда айтарлықтай өзгермеген. Қарыз алушылардың саны да 0,8%-ға ғана азайған. Жағдайды Бірінші кредиттік бюро мәлімдеді.
Автокредиттер бойынша да байсалды динамика байқалады:
- -1,9%-ға төмендеп, 234 млрд теңгені құрады;
- Қарыз алушылар саны 4,8%-ға азайып, 23,6 мың адамды құрады.
Айта кетсек, сәуір айында жеке тұлғалар рәсімдеген займдардың жалпы сомасы номиналды түрде 13,3%-ға өскен болатын.
Ипотека да өткен аймен салыстырғанда шамамен сол деңгейде қалды.
Ипотекалық несиелердің жалпы сомасы 1,9%-ға артып, 252 млрд теңгеге жетті. Қарыз алушылар саны 12,8 мың адамды құрап, сәуірмен салыстырғанда 2,1%-ға азайған. Соған сәйкес, бір адамға берілетін орташа несие мөлшері 19 млн теңгеден 19,7 млн теңгеге дейін өскен.
Осылайша, 2025 жылғы 1 маусымдағы жағдай бойынша ипотекалық портфель 6,8 трлн теңгеге жуықтады. Бұл сома 617 мың қарыз алушыға және 645 мың несиеге тиесілі.
Сонымен қатар, Бюро мәліметінше, заңды тұлғалар мен жеке кәсіпкерлерге берілген несиелер көлемі сәуірмен салыстырғанда 14,6%-ға төмендеп, шамамен 1,9 трлн теңгені құрады. Бұл соманың 1,7 трлн теңгесі заңды тұлғаларға берілген несиелерге тиесілі, мұнда көлем 14,4%-ға қысқарған. Сондай-ақ, Бірінші кредиттік бюро мәліметінде портфель көрсеткіштері тізімнен шығарылған келісімшарттарды есепке алмай берілгені де айтылған.
Бұған дейін неліктен доллар бағамы өсіп, теңге қысымға ұшырауда екенін жазғанбыз.
