Бүгін Гаагада НАТО саммиті өтеді.
Нидерландыда Солтүстік Атлантикалық Альянсқа мүше 32 елдің басшылары қатыспақ, деп жазады inbusiness.kz сайты.
Күн тәртібінде қаралатын басты тақырып – қорғаныс саласын қаржыландыруды арттыру. Яғни НАТО елдері қауіпсіздікті қамтамасыз ету шығынын 2035 жылға қарай жалпы ішкі өнімнің 5 пайызына дейін жеткізуді жоспарлап отыр.
Алайда саммитке Жапония мен Оңтүстік Корея басшылары қатыспайтынын мәлімдеді. Сондай-ақ АҚШ Президенті Дональд Трамп қатыса ма жоқ па, ол жағы белгісіз.
Шара қарсаңында Гаагада қауіпсіздік мейлінше күшейтілген. Саммитке қатысушы елдердің қауіпсіздігіне 27 мың полиция қызметкері мен 10 мың әскери жауапты.
