Белгілі әнші, өнерлі отбасы Жүгінісовтардың отанасы Айнұр Жүгінісова тағы да ел күтпеген мәлімдеме жасап, елдің қызу талқысына түсті.
Бұл туралы Caravan.kz медиа порталы хабарлайды.
Өнер иесі өз ойын сұхбат барысында айтқан.
«Бәрі емес, бірақ көбіне ажырасқан қыздың анасы кінәлі болып шығады. Қазақта қыздың емес, тек ауру адамның ғана халін сұрайды. Біз қызымызды жіберіп аламыз, ертеңгі күні: «Доча, как ты?» деп сұраймыз. Одан кейін қыз бала не дейді?
Бүгін жарайды жағдайын айтар, ертең енесінің не істеп жатқанын, одан кейін атасының, күйеуінің не істеп жатқанын айтады. Сөйтіп-сөйтіп біреудің үйіндегі нәрсе келесі үйге проблема болып көше бастайды.
Екі құдағи, құдалардың арасы суи бастайды. Ең аяғы не дейді? Осының барлығы суыған кезде, әй сен бөлек шық дейді. Бөлек шыққаннан кейін кикілжің басталады. Біреудің жалғыз ұлы немесе үйдің кішісі болуы мүмкін.
Дәстүрін сақтайтын отбасы үшін ол өте қиын, жалғыз баласының немесе кіші баласының тастап кетуі — өте қиынға соғады. Одан кейін екі құда мен құдағи дұрыс болмаған кезде, жастарды айырып алу өте оңай.
Үйіме сыйға бала, сыртыма да сыяды деп, қыздарын үйіне әкеп отырған анадар қаншама? Сондықтан да орнымызды білейік дегім келеді. Қыз бала жат жұрттық. Әрине маған қазір қызыңыз жоқ деп айтуыңыз мүмкін. Бірақ мен де анамын. Талай қазақтың қызын ұзатқан, әйелдің образын жақсы білетін ана ретінде, мен тек қана қызым бақытты болған жағдайда, «Мен қызымның өміріне араласпауға дайынмын» дер едім.
