Елдің оңтүстігіндегі Санта-Катарина штатында 21 жолаушысы бар әуе шары апатқа ұшырады, деп жазады inbusiness.kz сайты.
Губернатор Жоржинью Мелудың мәліметінше, 8 адам қаза тауып, 13 адам аман қалған, оларға қажетті медициналық көмек көрсетіліп жатыр.
"8 адамның қаза тапқаны, 13 адамның тірі қалғаны расталды", — деп жазды ол X желісінде.
Metrópoles порталының хабарлауынша, белгісіз себеппен әуе шарында өрт шыққан, содан кейін ол биіктен құлап кеткен.
Шар Санта-Катарина штатының оңтүстігіндегі Прайя-Гранди муниципалитеті үстінен ұшып өткен. Бұл жер Бразилияда "каньондар астанасы" немесе "әуе шары астанасы" ретінде танымал.
