Павлодар облысында ауа райының күрт нашарлауынан жойқын дауыл соғып, 16 адам жарақат алған. Зардап шеккендердің қатарында үш бала бар. Өкінішке қарай, қатты дауылдың салдарынан Ақсу қаласында 1968 жылы туған әйел адамның қаза тапқаны белгілі болды. Бұл мәліметті облыстық әкімдік растады, деп хабарлайды Egemen.kz.
Секундына 43 метрге дейін жеткен екпінді жел аймақтың электр және байланыс инфрақұрылымына зиян келтірген. Қатты дауыл салдарынан 16 баған құлап, бірнеше елді мекен жарықсыз қалған.
Қазіргі таңда төтенше жағдайдың салдарын жою жұмыстары қолға алынған. Мамандар бүлінген желілерді қалпына келтіріп, тұрғындарға қажетті көмек көрсетіп жатыр.
