20 маусым күні Сиэтл қаласындағы "Люмен Филд" стадионында клубтық әлем чемпионатының екінші туры аясында "Сиэтл Саундерс" пен Мадридтің "Атлетико" командалары кездесті, деп хабарлайды Zakon.kz.
Ойын 3:1 есебімен "Атлетиконың" пайдасына аяқталды. Испаниялық клубтың үшінші голын Барриос соғып, дубль авторы атанды. Тағы бір голды бельгиялық жартылай қорғаушы Аксель Витсель өз еншісіне жазды. Айта кетсек, ол бұрын "Зенит" клубында ойнаған болатын.
"Сиэтл Саундерс" командасындағы жалғыз голды Альберт Русняк соқты.
Посмотреть эту публикацию в Instagram
Публикация от DAZN Fútbol (@dazn_futbol)
Осыған дейінгі турда "Сиэтл Саундерс" "Ботафого" командасынан 1:2 есебімен жеңілген еді, ал "Атлетико" "ПСЖ"-мен болған ойында 0:4 есебімен ойсырай ұтылған болатын.
Бұл ретте, ел спортшыларының ақжолтай хабарын айта өтсек. Мәселен, Германияның Галле қаласында өтіп жатқан ATP 500 турнирінде Александр Бублик сенсация жасап, әлемнің бірінші ракеткасын жеңді.
