Бұл туралы Caravan.kz медиа порталы baq.kz-ке сілтеме жасап хабарлайды . Кейбір жекеменшік мектептерге қатысты өте көп мәселе бар. Ол қ
Бұл туралы Caravan.kz медиа порталы baq.kz-ке сілтеме жасап хабарлайды.
Кейбір жекеменшік мектептерге қатысты өте көп мәселе бар. Ол қай қалада және қандай мектеп екенін ұялтпай, атамай-ақ қояйын. Бірақ қажет болған жағдайда түсін түстеп, атын атап беруге болады деп ойлаймын. Бірінші кезекте туысқандық принциптермен мектептің мұғалімдерін, басшылығын тағайындау белең алып отырғанын көріп отырмыз, — дейді министр.
Яғни бас ұстаздың айтуынша, еліміздегі кейбір жекеменшік мектептерде білімге қатысы жоқ адамдарды басшылыққа тағайындау, туысқанын мұғалім ретінде қабылдау мәселелері анықталған.
Қабылданған мұғалімдердің сапасына қатысты да үлкен сұрақ туындап отыр. Сонымен қатар мектепке ойына келген атауды қою. Оған қоса қажеттілік болмаса да, ақша табу үшін жекеменшік мектептерді екі мемлекеттік мектептердің арасына соғып, ондағы балаларды өзіне әртүрлі әрекеттермен тарту мәселесін де көріп отырмыз. Біз таза, әділетті бәсекелестікті туындатуымыз керек. Бір жағынан ондай мектептердің көп еместігі қуантып отыр. Жақсы, таза, адал жұмыс істеп жатқан мектептер бар. Оларды қысқарту, жабу қаупі жоқ. Ал енді сапасыз, тек ақша табу үшін жұмысын ұйымдастырып жатқан мектептерге сұрақ болады, — деп атап өтті ведомство басшысы.
Министр талаптарды орындамаған сапасыз жекеменшік мектептердің жабылуы мүмкін екенін жоққа шығармады.
Жабылған мектептер де бар. Олар жертөледе және басқа да жерлерде оқытқан. Бұл мектептер ата-аналарды алаяқтық жолмен шақырып алған, — дейді Ғани Бейсембаев.
Оқу-ағарту министрі мұндай мектептермен жұмысты ведомство жалғастыратынын айтты.
