Қазақстан мен Оңтүстік Корея биологиялық алуантүрлілікті сақтау және орман өрттерінен зардап шеккен аумақтарды қалпына келтіру бойынша ынтымақтастығын жалғастырады.
Бұл туралы қос елдің өкілдері Сеулде өткен кездесуде келісті. Тараптар ботаникалық бақтардағы білім беру жөніндегі XI халықаралық конгресс аясында кездесті. Қазір қазақстандық мамандар Кореяның дендрарий және бақ институты ұйымдастырған ғылым мен технология алмасу серіктестігі бағдарламасы бойынша білім алып жатыр. Сондай-ақ тараптар «Орталық Азияның Жасыл жолы» жобасының үшінші кезеңін бастау туралы келісімге қол жеткізген.
Гүлнәр Ситпаева, ҚР Ботаника және фитоинтродукция институтының бас директоры:
- «Орталық Азияның жасыл жолы» жобасының үшінші кезеңі аясында Орталық Азия елдері өзінің биоалуантүрлілігін жаһандық ақпараттық желіге енгізуі тиіс деген міндет қойған еді. Жоба бес жылға есептелген. Біз осы бағытта жұмыс істейміз. Себебі дерекқорымыз өте үлкен. Бізде шамамен 6000 сирек өсімдік түрі өседі.
Ким Ки Вон, «Азия Орман» ынтымақтастығы ұйымы хатшылығының өкілі:
- Біз Қазақстанға орман өртінен зардап шеккен аумақтарға ағаш көшеттерін өсіруге арналған технология мен қаржыландыру ұсынамыз. Биыл тамыз айында Алматыда Франция мен Оңтүстік Кореяның орман өртін сөндірушілерінің қатысуымен іс-шаралар ұйымдастырылады. Олар қазақстандық мамандардың біліктіліктілігін арттыру бойынша семинарлар өткізеді.
