Президент бұқаралық спортты дамыту үшін осындай кешендерді көптеп салу қажет екенін айтты.
Мемлекет басшысы Қасым-Жомарт Тоқаев жеке инвестордың қаржысына салынып, биыл пайдалануға берілген көпфункциялы ғимараттың қызметімен танысты, деп хабарлайды Ақорда.
Елордада орналасқан кешенде түрлі деңгейдегі спорттық іс-шаралар, сонымен қатар халыққа арналған сауықтыру және демалыс бағдарламалары ұйымдастырылады.
Нысан аумағында футзал, волейбол мен баскетбол алаңдары, бокс, дзюдо, қазақ күресі және басқа да спорт түрлерімен шұғылдануға арналған жекпе-жек залдары бар.
Президент бұқаралық спортты дамыту үшін осындай кешендерді көптеп салу қажет екенін айтты. Сонымен бірге жас боксшылармен және футболшылармен әңгімелесіп, олардың келешекте әлем, олимпиада чемпиондары болуына тілектестік білдірді.
Оқи отырыңыз: Тоқаев Қытайға 1,5 мың киікті сыйға тарту туралы шешім қабылдады
"Бұл үшін, ең алдымен, еңбек ету керек, табандылық қажет. Жеңіске тек еңбекқорлық қана жеткізеді", – деді мемлекет басшысы.
Президент Қасым-Жомарт Тоқаев жас боксшылармен әңгімелесіп, олардың келешекте әлем, олимпиада чемпиондары болуына тілектестік білдірді.
