19 маусымда Санкт-Петербургте Ресей президенті Владимир Путин журналистердің сұрақтарына жауап бере отырып, Қазақстанмен одақтастық қатынастар туралы айтты, деп хабарлайды Zakon.kz.
Бұл туралы ҚР Президенті ТРК директорының орынбасары қатысқан халықаралық ақпараттық агенттіктердің басшыларымен кездесуде айтылды. Оның жаһандық сын-қатерлер аясында, сауда-экономикалық байланыстарды одан әрі дамытуды қалай ынталандыру туралы сұрағына, Ресей президенті Владимир Путин мұқият жауап берді.
"Бізде Қазақстанмен ерекше қарым-қатынас бар. Бұл айқын, мұны бәрі жақсы түсінеді. Бұл – одақтастық қарым-қатынас сөздің тура мағынасында. Ортақ тарихымыз, бір мемлекеттің құрамында болғанымыз, адамдар арасындағы жеке әрі гуманитарлық деңгейдегі терең байланыстар — мұның бәрі аса маңызды. Қазақстан ҰҚШҰ, Еуразиялық экономикалық одақ және Шанхай ынтымақтастық ұйымы сынды іргелі интеграциялық бірлестіктердің мүшесі, бұл фактор екіжақты байланыстарды нығайтуға ықпал етіп отыр, — деді В. Путин.
Сондай-ақ, ол Қазақстан мен Ресей арасындағы шекара — әлемдегі ең ұзын құрлықтық шекара екенін атап өтті.
"Тағы да атап өткім келеді: Қазақстан – біз үшін ең жақын мемлекеттердің бірі. Бұл — біздің одақтасымыз. Қарым-қатынастарымыздың дамуына кедергі келтіретін ешқандай мәселе көріп тұрғаным жоқ, тіпті ешқандай,- деді ол.
Мұнымен қоса, ол Мәскеу мен Астана ынтымақтастықтың жаңа бағыттарын іздестіруді жалғастыратынын айтты.
"Біз Қасым-Жомарт Кемелұлымен үнемі кездесіп тұрамыз. Ол бізге келеді, мен де Қазақстанға үлкен ықыласпен барамын. Үкімет, мин,- деистрліктер, соның ішінде Сыртқы істер министрліктері деңгейінде кеңес беру және өзара іс-қимыл үздіксіз жүріп жаты,— деп түйіндеді Ресей Президенті.
Бұған дейін Әшімбаев өз мақаласында "еститін мемлекеттің" жаңа институты – Ұлттық құрылтайдың қандай мақсатпен құрылғанын айтып берген болатын.
