2025 жылдың 18 маусымында өткен жалпы отырыста Мәжіліс депутаты Ұласбек Сәдібеков бюджетті қай министрліктер игермегенін айтты, деп хабарлайды Zakon.kz тілшісі.
Ол 2024 жылғы бюджет шығыстары бір рет нақтыланып, 12 рет түзетілгенімен, 526 миллиард теңгенің игерілмей қалғанын айтты. Оның 422 миллиард теңгесі жеткіліксіз, 92 миллиарды игерілмеген қаржы.
"Ең көп игерілмеуге Еңбек министрлігінде – 29,1 млрд теңге, Қаржы министрлігінде – 24 млрд теңге және Көлік министрлігінде – 22,5 млрд теңге жол берілген. Бұл қаражаттың едәуір бөлігі, әсіресе басым бағыттар бойынша түпкілікті нәтижеге жете алмағанын білдіреді", – деді Ұласбек Сәдібеков.
Қаражаттың игерілмеуіне бірнеше мысал келтірді. Мәдениет министрлігі "Бозоқ" сәулет кешенінің құрылысына бөлінген 3,9 миллиард теңгені бюджетке қайтарды. Жоба кешіктіріліп, 2020 жылдан бастап құны 7,2 миллиард теңгеден 17,4 миллиард теңгеге немесе екі еседен астамға өсті. Қаржы министрлігі бақылау-өткізу бекеттерін жаңғыртуға бөлінген 24 млрд теңгені игермеген. Төрт нысан жоспарланған, бірақ іс жүзінде – 0. Бұл ретте несиеге қызмет көрсетуге 6,9 млрд теңге төленді.
"Бұл мысалдар қаржыландырудың өзінде нәтиже нөлге тең болатынын, ал шығындардың көп екенін көрсетеді", – деп есептейді депутат.
Бұған дейін Әлихан Смайылов бюджет тапшылығын ЖІӨ-нің 2,6% деңгейінде ұстау мақсаты орындалмағанын хабарлаған болатын.
