Ұлттық банк пен Қаржы нарығын реттеу және дамыту агенттігі бірлескен жоба әзірледі
Бұл туралы Caravan.kz медиа порталы Sputnik.kz-ке сілтеме жасап хабарлайды.
Ұлттық банк пен қаржы нарығын реттеу және дамыту агенттігі ипотека бойынша жылдық тиімді сыйақы мөлшерлемесіне (ЖТСМ) қатысты бірлескен қаулы әзірледі.
Құжатта ЖТСМ 2025 жылдың қарашасына дейін қысқартылмайтыны көрсетілген.
«Жылдық тиімді сыйақы мөлшерлемесінің шекті мөлшерлерін айқындау туралы» Қаржы нарығын реттеу және дамыту агенттігі басқармасының 2024 жылдың 16 тамызындағы №62 және Ұлттық банкі басқармасының 2024 жылдың 19 тамызындағы №45 бірлескен қаулысының 1-тармағының қолданысы 2025 жылдың 1 қарашасына дейін тоқтатылсын», — деп хабарлады агенттіктегілер.
Осы кезеңде келесі мөлшерлеме көлемі қолданылады:
«Екінші деңгейдегі банктер, банк операцияларының жекелеген түрлерін жүзеге асыратын ұйымдар беретін банк қарыздары бойынша – кепілсіз банктік қарыздары бойынша – 46%; кепілмен қамтамасыз етілген банк қарыздары бойынша – 35%; ипотекалық тұрғын үй қарыздары бойынша – 25%, микроқаржылық қызметті жүзеге асыратын ұйымдар беретін микрокредиттер бойынша – 46%», – делінген құжатта.
Сондай-ақ микроқаржы ұйымдары 45 күнтізбелік күнге дейінгі мерзімге АЕК-тің 45 еселенген мөлшерінен аспайтын мөлшерде беретін микрокредиттер бойынша бұл тәулігіне 0,3%-дан аз, бірақ 179%-дан аспайды.
