Америкалық кәсіпкер Илон Маск есірткіге тапсырған тест нәтижесін көпшілікке көрсетті.
Ол бұл жөніндегі медициналық құжаттарды X әлеуметтік желісінде бөлісті, деп жазады inbusiness.kz сайты.
Талдау нәтижесіне сәйкес, Масктың қанынан тыйым салынған заттар табылмаған. Кәсіпкер кокаин, кетамин, барбитураттар, каннабиноидтар және басқа да есірткі түрлеріне тексеруден өткен.
Медициналық құжатта зертханалық талдау 11 маусымда жасалғаны көрсетілген.
Еске салайық, бұған дейін The Washington Post басылымы дереккөзге сілтеме жасап, АҚШ президенті Дональд Трамптың бір телефон әңгімесінде Маскты "созылмалы нашақор" деп атағанын жазған еді. Алайда кейін Трамп Масктың Ақ үйде есірткі қолданғанын білмейтінін айтып, оған жақсылық тіледі.
