Әнші әрі тележүргізуші Аша Матай отбасындағы қуанышты бөлісті. Әнші жақындарымен бірге 65 жасқа толған әкесіне ерекше тосынсый жасаған. Бұл туралы ол әлеуметтік желідегі парақшасында жазды, деп хабарлайды KAZ.NUR.KZ.
"65 жасқа толған әкеміздің туған күніне арнап, оған үлкен тосынсый жасауды шештік. Бұл ерекше күнді есте қаларлықтай ету үшін әкеміздің достарын, сыныптастарын, курстастарын, аға-жеңгелерін, іні-қарындастарын, туыстарын шақырдық. Ол – бұл жайлы мүлде білмеді, біз оны кішігірім отбасылық кешкі асқа шақырғандай болдық", — деп жазды Аша Матай Instagram-дағы парақшасында.
Тележүргізушінің айтуынша, әкесі залға кіріп келгенде 170 адам шапалақтап қарсы алған. Мұндай тосынсыйды күтпеген әкесі таңданысын жасыра алмаған.
"Ол шын мәнінде таңданып, қуанып қалды. Бәріміз бірігіп жасаған мерекелік кешіміз өте керемет өтті", — дейді ол.
Әнші бұл кеш әдемі естеліктер айтылған, қуаныш пен күлкіге толы ерекше күн болғанын атап өтті.
