«Қайрат», «Ақтөбе» және «Ордабасы» клубтарының жаңа еурокубок маусымындағы алғашқы қарсыластары анықталды, деп хабарлайды El.kz интернет порталы.
«Қайрат» Чемпиондар лигасында өнер көрсетеді және алғашқы іріктеу кезеңінде словениялық «Олимпиямен» кездеседі. Матчтар 8/9 шілде және 15/16 шілде күндері өтеді.
«Ақтөбе» Еуропа лигасының бірінші іріктеу кезеңінде польшалық «Легиямен» ойнайды. Бұл ойындар 10 және 17 шілде күндері өтеді.
«Ордабасы» Конференциялар лигасында бақ сынайды: алғашқы кезеңде қарсыласы — грузиялық «Торпедо». Матчтар 10 және 17 шілде күндері болады.
Сонымен қатар, 2025/26 маусымда еурокубоктарда «Астана» да бақ сынайды. Елордалық ұжым Конференциялар лигасында өнер көрсетеді және екінші іріктеу кезеңінен бастайды.
