Жаңа заң күшіне енгеннен кейін Алматыдағы мопедке байланысты мәселе қалпына келді. Алматының Өңірлік коммуникациялар қызметінде өткен пресс-конференцияда Қалалық полиция департаментінің ресми өкілі Салтанат Әзірбек осылай дейді.
Ресми ақпаратқа қарағанда, қазір мопедшілердің 95% көлігін тіркеуден өткізіп, жүргізуші куәлігін алып үлгерген. Сондықтан мопедін нөмірсіз жүргізетіндер бұрынғыдай емес, саябырсыпты.
2025 жылдың 5 сәуірінен бастап күшіне енген жаңа заңға байланысты мопедтердің барлығы тіркеуден өтіп, мемлекеттік нөмір, техпаспорт, сақтандыру полисін алуы тиіс болатын. Енді арнаулы куәлігіңіз болса ғана мопедті жүргізе аласыз, онсыз болмайды", — дейді Салтанат Әзірбек.
Бұл жаңа ереже жолдағы қауіпсіздікті күшейтіп, мопедті пайдалану жағын реттестіруді көздейді. Ең көп кездесетін заң бұзушылық:
— жол белгілерінің талабын елемеу; — тұтас жолақты кесіп өту; — жолақты ауыстырғанда тұтас сызықты кесіп өту;
— штатқа кірмейтін
— көзді қарықтыратын шам, талапқа сай келмейтін дыбыс бәсеңдеткіш сияқты құрал-саймандар салып алу.
Жүргізушілердің көбі шамын ауыстырар кезде зауыттан шыққаны жөнді жарқырамайды дегендей уәж айтады. Бірақ арнаулы рұқсат болмаса өте күшті шам мен дыбысты бәсеңдететін өзге де құрал-сайманды өз бетімен сала беруге тағы болмайды", — деп ескертті департамент өкілі.
5 сәуірден бері заң бұзған осындай 5000 мопедтің иесі әкімшілік жауапқа тартылып, 2000 көлік айып тұрағына қойылған. Жалпы алғанда, әкімшілік полицияның ақпараты бойынша осы уақытқа дейін Алматыда 15 мыңнан астам мопед тіркеліпті.
Мопед жүргізетіндердің көбі — курьер болып істейтін шетелдік азаматтар екенін де айтып отыр полиция қызметі. Ал көлігін уақытылы тіркеп, жол ережесін бұзбай жүретін, заңды сақтайтын азаматтарға олар алғыс білдірді.
Заң және Тәртіп" қағидатын басшылыққа алып, Алматы полициясы жол қауіпсіздігін арттыру жұмысын жыл бойы жалғастыра бермек.
