Соққы жасаған кезде студияда жүргізуші Сахар Эмами болған.
Ол әуелі ғимараттан шұғыл шығып кеткенімен, кейін қайта оралып жұмысын жалғастырған, деп хабарлайды inbusiness.kz сайты.
Ал Иранның мемлекеттік телерадиокомпаниясы Irib-тің штаб-пәтеріне шабуыл жасаған Израильдің қорғаныс әскері (ЦАХАЛ) еді.
Телеорталықта зардап шеккендер мен қаза тапқандар туралы қосымша хабарланып отыр. Оқиға кезінде түсірілген кадрлардан телерадиокомпания ғимаратының өртенгенін байқауға болады.
Дей тұрғанымен, шабуылдың алдында Израиль әскерінің баспасөз қызметі Тегеран тұрғындарына әскери іс-қимылдар болатынын туралы ескерткен, тіпті эвакуацияға шақырыпты.
– Алдағы сағаттарда ЦАХАЛ бұл ауданда әскери іс-қимыл әрекеттерін жасайды. Соңғы күндері Тегеранның түкпір-түкпірінде әскери инфрақұрылымдарға соққы бергендей, мұнда да Иран режимінің әскери нысандарына шабуыл жасалады, – деп ескертілген хабарламада.
Содан кейін көп уақыт өтпестен, Израильдің қорғаныс министрі Исраэль Кац мәлімдеме жасап, Иранның үгіт-насихаты мен арандатуы жойылғалы тұрғанын, өйткені аудан тұрғындарын эвакуациялау басталып кеткенін мәлімдеген.
Иранның сыртқы істер министрлігі ЦАХАЛ-дың мемлекеттік телерадио ғимаратына жасаған шабуылына "соғыс қылмысы" деп баға берді. Ведомствоның ресми өкілі Исмаил Багаи БҰҰ Қауіпсіздік Кеңесін Израильдің шабуылын тоқтатуға шақырып, үндеу жасады.
