Бұл туралы Ақ үй басшысы Truth Social желісінде жазды .
АҚШ Президенті Дональд Трамп франциялық әріптесі Эммануэль Макронның мәлімдемесін сынға алды, деп хабарлайды inbusiness.kz сайты.
"Франция президенті Эммануэль Макрон менің Канададағы G7 саммитінен Вашингтонға кетуімді Израиль мен Иран арасындағы "қақтығысты тоқтатумен" байланыстырып, қате мәлімдеме жасады. Бұл шындыққа жанаспайды. Ол менің Вашингтонға не себепті барғанымнан хабары жоқ. Бұның бітімге ешқандай қатысы жоқ. Бұл әлдеқайда маңызды нәрсеге баланысты. Әдейі істеді ме, жоқ па, бірақ Эммануэль әрдайым қателеседі", – деп жазды Трамп Truth Social желісінде.
Айта кету керек, бұған дейін Трамп G7 саммитінен шұғыл кетіп қалғанын жазған болатынбыз. Ақ үй басшысы Тегераннан халықты тез арада кетуге шақырды.
