"Ұлттық қор-балаларға" жобасы арқылы 400-ге жуық адам баспана сатып алды. Бұдан бөлек жинақталған қаржысын бастапқы жарна ретінде құйып, үйлі болғандар да бар. Олардың саны 450-ге жуықтайды. Ал 40 мыңнан астам азамат Ұлттық қордан түскен ақшасына оқу ақысын төлеген, деп хабарлайды "Астана" арнасы.
Былтыр басталған жоба арқылы 97615 жасөспірім 11 млн доллардан астам қаржыны өз қажетіне жаратқан. 56 мың адам 6,70 млн долларын баспаналы болуға жұмсады. Тұрғын үй құрылысы жинақтарындағы шотын толықтыруға 55 мың адам өтініш білдірген.
Ұлттық қордың қаржысын бастапқы жарна ретінде пайдаланғандар да жетерлік. 442 адам 49 мың долларды осы мақсатта жаратты. Өзіне тиесілі ақшаға баспана сатып алғандар да бар. Олар 400-ге жуықтайды. 40 мыңнан астам азамат оқу ақысын төлеген. Білім алуға жұмсалған қаржы шамамен 4 жарым млн доллардан асып жығылады.
- Барлығы 11,49 млн долларға 97 615 өтініш мақұлданды
- Тұрғын үй жағдайын жақсартуға 56 937 өтініш
- Шоттарын толықтыруға 6,55 млн доллар
- Бастапқы жарнаға 49,94 мың доллар
- Үй сатып алуға 38,57 мың доллар
- Оқу ақысын төлеуге 40 678 өтініш. Бөлінген қаржы 4,79 млн доллар
