Тазалық жұмыстары үнемі жүргізілгенімен, көп жағдайда әлеуметтік желіде жария етілмейді.
Ақтаулық сүңгуір Қанат Абдиев Каспий теңізінің астындағы 1270 метр аумақты қоқыстан тазартты, деп жазады inbusiness.kz сайты.
Бұл жолы ол 8–10 метр тереңдікте жатып қалған қалдықтарды шығарған. Нәтижесінде бір қап қоқыс жиналған.
–Ақтауда сүңгуірлердің арнайы чаты бар. Тазалықпен жалғыз мен емес, өзге де сүңгуірлер айналысады. Су астында көбіне тамақ қалдықтары, пластик бөтелкелер мен полиэтилен пакеттер жатады. Барша тұрғынды теңізді ластамауға және табиғатты аялауға шақырамын, – деді Қанат Абдиев.
