Таяу Шығыстағы жағдай әлем экономикасына да әсер етпей қоймады. Brent маркалы мұнайдың құны барреліне шаққанда 77 долларға жетті. Бұған дейін ол 50 долларға түсіп кеткен еді. «Бағаның күрт өсуіне соңғы қақтығыстар себеп», – дейді мамандар. Мұнайдың әлемдегі бағасы тұрақсыз. Ол әлі біраз құбылады. Дегенмен сарапшылар: «Оның Қазақстан нарығына ешқандай әсері жоқ», – деп отыр.
Ғалымжан Керімбек, экономист:
- Мұнайдың бағасына әсер ететін ол, біріншіден, сұраныс. Екіншіден, екі мемлекет арасындағы қақтығыстар. Яғни қақтығыс нәтижесінде сұраныс. Ол қаншалықты жиі болатынын ешкім нақты болжай алмайды. 1-2 жыл бұрын мұнайдың бағасы түсіп кеткен жағдайлар болды. Тұрақтылық деген нәрсе жоқ. Бұл жерде бір ғана тұрақты нәрсе болады. Мемлекет кез келген жағдайда, мінекей, көтерілді ме, сол кезеңді пайдаланып, өзімізге табыс, кіріс көзін көбірек алып қалуымыз керек.
