Тағы 12 бала өрттен қаза тапты .
Елімізде бес айдың ішінде 23 бала қайғылы жағдайлардан көз жұмды. Бұл туралы Төтенше жағдайлар вице-министрі Кеген Тұрсынбаев айтты, деп хабарлайды inbusiness.kz сайты.
"Жыл басынан бері 23 бала қайтыс болды. 12-сі өрттен қаза тапты, 11-і суға кеткен. Мұндай оқиғалар ай сайын тіркеліп жатыр. Жаз басталды. Балалар лагерьге барады", – деді Кеген Тұрсынбаев Сенат кулуарында.
Оның айтуынша, министрлік төтенше жағдайлардың алдын алуға бағытталған жұмыстарды күшейтеді.
Айта кету керек, бұған дейін Төтенше жағдайлар министрлігі Батыс Қазақстанда өрттен бес баланың қаза табуына байланысты пікір білдіргенін жазған болатынбыз.
