12 маусымда Қазақстанның 17 облысында дауылды ескерту жарияланды, деп хабарлайды El.kz интернет порталы.
Жетісу облысының оңтүстігінде күндіз найзағай күтіледі. Солтүстік-шығыстан соғатын желдің екпіні облыстың шығысында 15-20 м/с, күндіз екпіні 25 м/с жетеді. Талдықорғанда өрт қаупі жоғары.
Ақмола облысында түнде батысында және оңтүстігінде найзағай күтіледі, күндіз облыстың батысында, солтүстігінде және оңтүстігінде бұршақ жаууы мүмкін. Оңтүстік-шығыстан соғатын жел күндіз облыстың батысы мен оңтүстігінде 15-20 м/с дейін күшейеді. Облыстың оңтүстігінде өрт қаупі жоғары, Көкшетауда күндіз найзағай болады.
Қарағанды облысының солтүстігінде, оңтүстігінде және батысында найзағай, батысында бұршақ күтіледі. Жел оңтүстік-шығыстан, шығыстан соғады, күндіз батысында екпіні 15 м/с дейін жетуі мүмкін. Облыста өрт қаупі жоғары, батысында өте жоғары. Қарағандыда күндіз найзағай болады.
Ұлытау облысының солтүстігінде, шығысында және орталығында найзағай, ал солтүстігі мен шығысында бұршақ болуы мүмкін. Жел оңтүстік-батыстан, батыстан, күндіз солтүстігі мен шығысында екпіні 15 м/с. Өрт қаупі жоғары, ал оңтүстігінде өте жоғары. Жезқазғанда кей кезде найзағай болуы мүмкін.
Қызылорда облысының солтүстігі мен орталығында күндіз найзағай, шаңды дауыл және шквал күтіледі. Жел оңтүстік-батыстан солтүстік-батысқа ауысып, 15-20 м/с жетуі мүмкін. Облыста, сондай-ақ Қызылордада өте жоғары өрт қаупі сақталады.
Маңғыстау облысының солтүстік-шығысында найзағай, түнде және таңертең батысында тұман күтіледі. Солтүстік-батысы, оңтүстік-шығысы және орталығында өрт қаупі жоғары, солтүстігі мен шығысында – өте жоғары. Ақтауда түнде және таңертең тұман түседі.
Ақтөбе облысының солтүстігінде, шығысында және оңтүстігінде найзағай, күндіз оңтүстігінде бұршақ болуы мүмкін. Жел солтүстік-батыстан, күндіз оңтүстікте екпіні 15-20 м/с. Облыстың орталығында жоғары, ал басқа өңірлерінде – өте жоғары өрт қаупі. Ақтөбеде күндіз найзағай болады.
Атырау облысында күндіз батысында, шығысында және оңтүстігінде найзағай күтіледі. Жел оңтүстік-батыстан, батысында, солтүстігінде және шығысында 15-20 м/с. Күндіз 35-38 градус ыстық болады. Өрт қаупі өте жоғары. Атырауда күндіз найзағай және 35 градус ыстық болады.
Шығыс Қазақстан облысында солтүстік-батыстан, солтүстіктен жел соғады, күндіз облыстың батысы, солтүстігі және оңтүстігінде 15-18 м/с. Оңтүстік бөлігінде өрт қаупі жоғары.
Абай облысында солтүстіктен, солтүстік-шығыстан жел соғады, күндіз солтүстігі, оңтүстік-батысы және орталығында 15-18 м/с. Күндіз 35 градус ыстық күтіледі. Облыс бойынша өрт қаупі жоғары, оңтүстік-батысы мен оңтүстігінде – өте жоғары. Семейде өрт қаупі жоғары.
Солтүстік Қазақстан облысының батысында, солтүстігінде және оңтүстігінде найзағай, күндіз бұршақ күтіледі. Түнде және таңертең тұман. Жел оңтүстік-шығыстан, екпіні 15-20 м/с. Өрт қаупі жоғары. Петропавлда күндіз найзағай, жел 15-20 м/с.
Қостанай облысының батысында және солтүстігінде қатты жаңбыр, түнде найзағай, күндіз бұршақ. Жел оңтүстік-шығыстан және оңтүстіктен, екпіні 15-20 м/с. Облыстың оңтүстік-шығысы, солтүстігі мен орталығында өрт қаупі жоғары. Қостанайда найзағай болады.
Павлодар облысының батысы мен оңтүстігінде өрт қаупі жоғары сақталады.
Жамбыл облысының солтүстігінде, оңтүстігінде және таулы аймақтарында найзағай күтіледі. Жел оңтүстік-батыстан солтүстік-батысқа ауысып, таулы аймақтарда 15-20 м/с дейін күшейеді. Өрт қаупі жоғары. Таразда күндіз найзағай болады.
Батыс Қазақстан облысында күндіз найзағай, жел солтүстік-батыстан, батысында екпіні 15-20 м/с. Күндіз 35-37 градус қатты ыстық күтіледі. Солтүстігінде өрт қаупі жоғары, оңтүстігінде – өте жоғары. Оралда 35 градус қатты ыстық болады.
Түркістан облысының таулы аймақтарында күндіз найзағай және жел. Жел оңтүстік-шығыстан, таулы аймақтарда 15-20 м/с. Шымкентте де найзағай мен жел болады.
Алматы облысының оңтүстігі мен таулы аймақтарында найзағай, жел оңтүстік-шығыстан оңтүстік-батысқа ауысып, 15-20 м/с жетеді. Алматыда түнде кейде найзағай, жел 15-20 м/с. Қонаевта күндіз 35 градус қатты ыстық күтіледі.
Алдағы үш күнге арналған ауа райы болжамымен таныс болыңыз.
