Бұрын рақымшылыққа ілігіп, қайта қылмыс жасағандардың саны 2 мыңнан асады.
Бұл туралы Ішкі істер министрінің орынбасары Абай Қайырбеков Мәжілістің жалпы отырысында айтты, деп хабарлайды inbusiness.kz сайты.
"Қазіргі уақытта кәмелетке толмағандарды ұстау орындарында 75 бала жазасын өтеп жатыр. Оның 70-і ұл, Алматы қаласындағы №11 мекемеде, ал 5 қыз бала Алматы облысы Жауғашты кентіндегі мекемеде жазасын өтеп жатыр. Осы сотталғандардың ішінде 4 жасөспірім рақымшылыққа ілігеді, жаза мерзімі қысқартылады", – деді Абай Қайырбеков.
Сөзінше, ҚАЖ мекемелерінде бұрын рақымшылыққа ілігіп, қайта қылмыс жасағандардың саны 2 мыңнан асады.
"Оларды да біз іріктеп қарадық. Оның ішінде рақымшылаққа ілігетін 30-дан астам адам бар", – деді Ішкі істер министрінің орынбасары.
