Қазақстан Ішкі істер министрлігінің Интерпол Ұлттық орталық бюросының сұрауы бойынша Черногорияның Будва қаласында аса ірі көлемде алаяқтық жасағаны үшін халықаралық іздеуде жүрген Түркия азаматы ұсталды, деп хабарлайды Egemen.kz.
ІІМ мәліметінше, алаяқтық салдарынан келтірілген жалпы шығын көлемі 5 миллиард теңгеден асады. Сондай-ақ ол басқа ЖШС-лерге тиесілі қаражат пен мүлiктi иемденген.
«2022 жылдың қазан айынан 2024 жылдың маусымына дейін ер адам Қазақстандағы ЖШС-лердің бірінің директоры бола отырып, пайдакүнемдік ниетпен қызметтік өкілеттіктерін асыра пайдаланып, бірқатар алаяқтық әрекеттер жасаған», делінген хабарламада.
