Жетісу облысының Алакөл ауданында мемлекеттік меншікке тиесілі жер учаскесін бір заңды тұлға өз бетінше пайдаланып, құқық белгілейтін құжаттарсыз құм-қиыршықтас қоспасын өндірумен айналысқан, деп жазады Egemen.kz.
Облыстың Жер ресурстарын басқару департаменті тарапынан жүргізілген жоспардан тыс тексеріс нәтижесінде жер учаскесі ҚР Жер кодексінің талаптарын бұза отырып пайдаланылғаны анықталған.
Құқықбұзушыға қатысты әкімшілік іс қозғалып, 2,7 млн теңге айыппұл салынған. Жер учаскесін өз бетінше пайдалану тоқтатылды.
Жер заңнамасының сақталуын бақылау және осындай фактілердің алдын алу бағытында жүйелі жұмыс жалғасып жатыр.
