ТКМ кешенінің кәсіпорындары 2028 жылға дейін өндірісті жаңғыртуға 1,8 трлн теңгеден астам инвестиция салады, деп хабарлайды El.kz интернет порталы.
2028 жылға дейін тау-кен металлургия кешенінің ірі кәсіпорындары энергия тиімділігін арттыру, экологияға кері әсерін азайту және еңбек жағдайларын жақсарту үшін өндірісті жаңғыртуға 1,8 трлн теңге көлемінде инвестиция салады. Бұл туралы Үкімет отырысында өнеркәсіп және құрылыс министрі Ерсайын Нағаспаев баяндады.
Аталған кәсіпорындардың қызметін тиімді бақылау үшін технологияны қайта жабдықтандыруға бағытталған Бақылау картасы әзірленді. Бүгінде кәсіпорындар техникалық жағдайды қолдауға 83 млрд теңге, жаңғыртуға 202 млрд теңге, өндірістерді кеңейтуге 148 млрд теңге бөлді.
