Ертістің қос жағалауын байланыстыратын өткел 2000 жылы салынған .
Содан бері жөндеу көрмеген. Қазір құрылысшылар нысанда асфальт жабындысын ауыстыруға кірісті.
Рүстем Қайратұлы, тілші:
- Қазір мен Семейдің қос жағалауын жалғап тұрған аспалы көпірдің үстіндемін. Бұл өткел шаһар үшін ғана емес, бүкіл өңір үшін стратегиялық маңызды нысан. 25 жылға жуық жөндеу көрмеген өткелдің асфальт жабыны әбден тозған еді. Енді міне көптен күткен құрылыс жұмыстары басталды. Қазір мұнда құрылысшылар күн-түн демей еңбек етіп жатыр. Жолдың ескі қабаты толық алынып, орнына жаңа асфальт төселеді.
Аспалы көпір жапониялық технология бойынша салынған. Толығымен металдан жасалғандықтан құрылыс жұмыстары сонысымен күрделі, дейді мамандар. Асфальт жабындысы берік болуы үшін арнайы гидрооқшаулағыш пайдалануға тура келеді.
Руслан Дүскенов, мердігер ұйым өкілі:
- Көпірге қалыңдығы бес сантиметр болатын бір қабат асфальт төселеді. Себебі өткел металл құрылымдардан тұрады. Ал асфальт қалың болса, тиісінше көпірдің салмағы да ауырлай түседі. Бұл оның құрылымына зақым келтіруі мүмкін.
Қазір 80-ге жуық құрылысшы екі ауысымда жұмыс істеп жатыр. 20-дан астам техника тартылған. Құрылыс жұмыстарының сапасы қатаң қадағалауда.
Хамзат Сұлтанов, "Жол активтері сапасының ұлттық орталығы" ОФ директоры:
- Қолданып жатқан материалдардың барлығы бізден өтеді сапасы.Қазақстанда біз асфальт-бетон зауытының басында құрамын реттеу үстіндеміз. Оны реттеп болған соң аспалы көпірге қолданамыз. Жалпы полимер қосу саласын қолданып отырмыз. Бастапқы мақсатымыз.Көпірді дұрыс технология бойынша сапалы салу.
Аспалы көпірге төселетін асфальт қалыңдығы бес сантиметрден аспауы шарт. Себебі одан ауыр жүктемеге есептелмеген. Көпір арқылы күніне 80 мыңға жуық көлік қатынайдыі.
Әділбек Увасилов, қалалық жолаушылар көлігі және автомобиль жолдары бөлімінің бас маманы:
- Қазіргі уақытта ескі асфальт төсемін демонтаждау толығымен бітті. Жақын күндері гидроизоляцияны толығымен бітіріп,жаңадан гидроизаляция жайып бітіреміз. Содан кейін асфальт төсемін салуға көшеміз.
Жөндеу жұмыстарын бір айдың ішінде аяқтау жоспарланған, дейді мердігер ұйым өкілдері.
Рүстем Қайратұлы, Берік Жобалайұлы
